زجل ......"خليك يا مصرى نايم"

[center]خليك يا مصري نايم


لو قمت هتعمل ايه؟

ايه اللي فاضل في البلد ؟
ولا شىء راح نبكي عليه
الكل ضاع وانتهى
ووصلنا إلى المنتهى
خليك يا مصري نايم
لو قمت هيحصل ايه؟
نقول هتعزل حاكم !
بعد ما تصرع وتلاكم
هيحكم البديل
وأكيد هيكون عميل
زي اللي فات تمام
وهنعمل إعتصام
ونقول نقدر نشيلوه !
زي ما عزلنا غيره
وهنفضل على دا الحال
ونقدّر عاد جمال
ايه اللي يقدر يعمله ؟
يبدأ طريق من أوله؟
يقدر يعود باللي اتسلب ؟
يعرف يصلح مُخترب ؟
ونقول يحارب اسرائيل !
ونقول هيمحي ذا العميل!
معاه سلاح ؟
ولا هيحارب بسيف ؟
ولا بالشعب الضعيف ؟
خليك يا مصري نايم
و أوعاك في يوم تقوم
لو قمت هيحصل ايه ؟
هتزود الهموم
خليك يا مصري نايم
انت مش زي الغيلان
انت يا صاحبي جبان
انت وانت حاجات كتير
طول عمرك انسان حقير
عايش بتنتظر المصير
خليك يا مصري نايم
و إياك في يوم تقوم
لو قمت هتعمل ايه ؟
تقدر تفوز ع الامريكان؟!
تعرف تو قف الطوفان ؟!
تعرف تكون انسان شجاع؟!
خليك يا مصري نايم
دا الحق تاه وضاع
لو قمت هتعمل ايه؟
تقدر تعمل تغيير ؟
تعرف تقلب معايير؟
تعرف تعلى بنفسك ؟
وتعمل اللي ف نفسك ؟
خليك يا مصري نايم
و إياك في يوم تثور
لو ثورت هيحصل ايه ؟
هتلغي ذا النظام ؟
هتعود بالابتسام ؟
هتطلع للأمام ؟
مين فيهم راح يسيبك ؟
النووي بين ايديهم
قول لي في ايه في ايدك؟
تقدر تحمي حدودك ؟
تقدر تجمع جنودك ؟
تقدر تصنع صاروخ ؟
تعرف تعمل فخوخ ؟
خليك يا مصري نايم
في النوم إليك فوايد
منهم انك بتحلم
بتشوف الدنيا بمبي
بتحس انك عربي
خليك يا مصري نايم
لو قمت يا ابني هتتصدم
والحلم أكيد راح ينهدم
خليك يا مصري نايم
لو قمت هتعمل ايه ؟
هتزود الآلام
والنار في قلبي قايده
وشكوى عيوني زايده
خليك يا مصري نايم
انت ما منّكش فايده[/center]