زجل....." خايف يا بوش من الجزم!!!

[[center]فاكر يابوش حِطين؟
******
أشعار الدكتور صبرى إسماعيل
*****
خايف يابوش م الجِزِم-------طاطى وعدّيها
طب جاىّ ليه تِتِعِزِم---------واِنت حراميها
كازز عينيك مِرتِسم----------والغدر ماليها
لابدّ يوم تِنهزم---------------وتِندفن فيها
*****
فارد جِناح الدجل—------ومِدّيها اِستعباط
عمّال تبصّ بهبل----على جزمة فيها رباط
رماها عملت جدل-------نشن وهوبّ شاط
ماتيلاّ فووق ياخِبل-- واِرحل بلاش إحِباط
****
إن كان كِلاب السكك--- وافقت ماقالت لااه
مليون ولَد يِمسكك----بالجزمة تُصرخ آاه
إوعى فى يوم يِلمسك--—جِنّى وما أعماه
دالعربى يوم يِدهِسك------ويدوّقك مُعاناة
******
سِبت اليهود يِسرقونا—--وتمِدّهم بِسلاح
والأقصى يصرخ غيتونا-القدس كلّه جِراح
بالفيتو ليه بتبيعونا----والسور بناه أشباح
والله لازمك صابونة----مع جزمته تِرتاح
******
جزمة وعارفة الهدف---يمكن تثور لينا
والتانية اخويا حدف------ع اللىّ بيبلينا
يامزعّليين النجف--------ومقتّليين فينا
الموت يكون لى شرف-----ولا ذلّ يطوينا
******
مااِنت اللى بِعت البلد---بغداد مع فلسطين
بايديك شبابنا اِتجلد------والله أخرك طين
بكره يجيلك ولدْ--------فاكر عِيال حِطّين؟
عربى وشهم وجلد----جِدُّه صلاح الدين[/center]